Юл кундемысе ола- влакын аллейыштышт «Йошкар-Олан пушеҥгыже» шочын

Юл кундемысе ола- влакын аллейыштышт «Йошкар-Олан пушеҥгыже» шочын
             Юл кундемысе ола- влакын аллейыштышт Самара олаште «Йошкар-Олан пушеҥгыже» шочын. Йошкар-Ола ола округым вуйлатыше Евгений Кузьмин Самара олаште Юл кундемысе ола- влак Ассоциацийын тӱшка погынымашыштышт участвоватлен. Каҥашыме тӱҥ темыже муниципалитетлам ӱшанлын вияҥдыме йодыш- влак лийыныт. Участник- влак тӱҥ кум корнеш шогалыныт: тӱвыра поянлыклан шотлалтше  объект- влакым арален кодымо да уэш тӧрлымӧ, виктарыме процесс-влакым цифровизоватлыме да СВО жапыште верысе самоуправлений орган- влакын пашашт,- каласкаленыт Йошкар-Ола администрацийыште. Вашлиймашын ик пале событийжылан Юл кундем ола- влакын Аллейыштлан негызым пыштымаш лийын. Делегат- влак 32 пушеҥгым шынденыт. «Йошкар-Олан пушеҥгыжат» тиде радамыште шке вержым налын. Палемдалтеш: Ассоциаций 32 олам авалта. Тушто 15 миллионат 800 тӱжем еҥ ила. Тиде- Йошкар-Ола, Озаҥ, Угарман, Самара, Пермь, Уфа да молат.
            Фото: Йошкар-Ола мэрий.

Прошлые выпуски