Параньга районышто тактике-специальный тунеммаш эртен
Параньга районышто нефть да нефть продуктын йоген шарлымыже дене кылдалтше аварий ситуацийым кораҥдыме годым пашам пыря шуктымо шотышто тактике-специальный тунеммаш эртен. Тудын шонымашыже почеш Параньга посёлкыш савырныме деч 14-ше меҥгыште автоцистерне дене кудалше водитель лекше чаракым кораҥ каяш тӧчышыжла машинам виктарен сеҥен огыл да бензовоз кюветыш кумыкталтын. Тыге водитель эмганен да 10 тонн нефтепродукт мландыш йоген лектын. Тунеммаште увер дене ваш палдарыме, планын, инструкцийын да моло документын тичмаш да раш улмыжым аклыме, экстренный службо- влакын пырля пашам ыштымыштым терген ончымо. Вучыдымо ситуацийым кораҥдымашке республикысе да районысо чыла службым ушымо. Тунеммаште эҥгекым кораҥдыме да утарыме пашам чаткан ыштыме, служба- влак шындыме задачым кӱлеш семын шуктеныт.
Фото: Граждан оборона комитет.
Фото: Граждан оборона комитет.
