Марий Элым вуйлатыше Запорожский областьыш миен

Марий Элым вуйлатыше Запорожский областьыш миен
           Республикына могай полышым пуэн кертеш манын палаш, Марий Элым вуйлатыше Запорожский областьыш миен. Марий Элым вуйлатыше Юрий Зайцев ден Запорожский областьын губернаторжын икымше алмаштышыже Сергей Толмачёвын пеҥгыдемдыме соглашенйын негызышкыже чыла кӱлешан мероприятий да тудым шуктымо срок возыныт. Юрий Зайцев кугу тӱткышым туныктыш да социал обслуживаний аланлан ойырен. Мутлан, Марий Эл правительстве тунемме да сылнымут литературым, тунемме тӧнеж- влаклан спорт ӱзгарым налаш, икымше классыш кайышаш- влакым школлан ямдылаш полшен кертеш. Тиддеч посна Куйбышев районысо йоча- влак тений кеҥежым Марий кундемысе ола деч ӧрдыжсӧ лагерьлаште канен кертыт. Марий Элым вуйлатыше палемден: кок кундемын кучем органжын пырля пашашт инфраструктурым нӧлталаш, областьысе калыклан сай условийыште илаш, тунемаш, пашам ышташ йӧным пуэн кертеш. Ме ӧрдыжеш кодын огына керт. Сандене Запорожский областьысе ик кундемым шефствыш налаш решенийым лукмо. Мый ӱшанем: республикысе калык поддержатла, вет Российысе калык шке еҥжым ок кудалте. Ме мут дене огыл, паша дене полшаш шонена. Сергей Толмачёв Марий Элым вуйлатышылан тауштен ойлен.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски