Йошкар-Олан мэрийыштыже тӱшка транспортышко пашаеҥ- влакым налме йодышым каҥашеныт
Йошкар-Олан мэрийыштыже тӱшка транспортышко пашаеҥ- влакым налме, Троллейбус транспортым вияҥдыме йодышым каҥашеныт. Пашаче совещанийым мэрын икымше алмаштышыже Лев Покровский эртарен. Ик тӱҥ йодышыжо пашаеҥым тарлыме дене кылдалтын. Кызыт предприятий- олаште калыкым шупшыктышо тӱҥ перевозчик. Тудо лу троллейбус да кок автобус маршрутым обслуживатла. Вашке ешартыш автобус маршрут- влакым пашаш колтат, у техникым налыт. Садлан кӧра предприятийлан сотрудник- влак кӱлыт. Троллейбус транспорт предприятийым вуйлатыше Сергей Деряевын мутшо почеш, еҥ- влак пашаш толыт, районла гычат ушнаш кумылан- влак улыт. Молан манаш гын, нунылан илыме вер пуалтеш. Ме яра туныктена, йӧнан паша графикым темлена да тичмаш социал пакетым пуэна. Сандене шонышо- влакым уло кумылын пашаш ӱжына,- каласен предприятийым вуйлатыше. Вашлиймаште тыгак предприятийын финанс пашажым да билетде коштшо- влакым тергыме йодышым каҥашеныт.
Фото: Йошкар-Ола администраций.
Фото: Йошкар-Ола администраций.
