Марий Турек гыч «Восток» хоккей команде «Шӧртньӧ шайбе» таҥасымашын финалышкыже каен

                 Марий Турек гыч «Восток» хоккей команде Анаталий Тарасов лӱмеш самырык хоккеист- влакын «Шӧртньӧ шайбе» Россий кӱкшытан таҥасымашын финалышкыже каен. Тений январь мучашыште «Восток» таҥасымашын  регионысо йыжыҥыштыже сеҥышыш лектын ыле. 2008-ше-2009-ше ийлаште шочшо рвезе- влакын командыже кыдалаш ийготан тӱшкаште модаш тӱҥалеш. Таҥасымаш Угарман бластьысе Городец районысо «Спортын теҥызше» спорт базыште эрта. Кугу Суходол ялыш «Восток» команде таче тарванен. Модмаш- влак икымше гыч 6-шо апрель марте эртат.

Прошлые выпуски