Марий университетыште тӱнямбал кыл у кӱкшытыш лектеш
Марий университетыште тӱнямбал кыл у кӱкшытыш лектеш. Теҥгече ректор Михаил Швецов ден Тӱнямбал туныктыш рӱдерын президентше Комрузаман Сайед вашкыл шотышто ойпидышым кылденыт. Тудо посольствын советникше Субрата Дас дене пырля толын. Марий университет тунемме, студент- влакын илыме йодышышт дене Российыште Индийын Посольствыжо дене эре кылым куча. Марий университетыште индий студент- влакын чотышт кажне ийын ешаралт толеш. Тужемат 300 студент англичан йылме дене кум программе дене тунемыт. Практикым вич медицина тӧнежыште эртат. Нуным 60 шанчыеҥ- врач туныктат, Индий гыч лӱмлӧ профессор- влак толын каят. Кызыт эше Украине кундемыште нелылыкыш логалше индий студент- влакым тунемаш налыт. Индийысе самырык тукым моло специальность денат тунемаш кумылан. Индий гыч толшо уна- влак дене Марий Эл Правительстве председательын икымше алмаштышыже Михаил Васютин вашлийын да палемден: Тӱнямбал тунемме рӱдер дене вашкыл кок велымат вияҥмаште у ошкыл.
Фото: МарГУ.
Фото: МарГУ.
