Запорожский областьыш йоча- влаклан профилактике осмотрым эртараш кокымшо мобильный бригаде каен
Йошкар-Ола гыч Запорожский областьыш йоча- влаклан профилактике осмотрым эртараш кокымшо мобильный бригаде каен. Врач да медшӱжар- влакын 13 еҥан икымше бригадышт Бердянскыш октябрь мучашыште каен ыле. Икмыняр еҥже тушто кокымшо сроклан кодын, молыжо пӧртылыныт. Ноябрьыште Запорожский областьыш педиатр- врач- влак Медведево, Козьмодемьянск гыч, Звенигово гыч офтальмолог, Республикысе йоча клиник эмлыме вер гыч йоча хирург да психолог, Республикысе психоневрологий диспансер гыч йоча психолог каеныт. Икымше тӱшка шкеже нерген пеш сай шонымашым коден, пашам йӧратымыштым ончыктеныт, кечеш шӱдӧ утла йочам тергеныт. Кокымшо тӱшкажат шке задачыжым сайын шукта манын ӱшанем, каласен тазалыкаралтыш министерствын пӧлкажым вуйлатыше Галина Мурзаева. А тазалыкаралтыш министрын алмаштышыже Татьяна Бастракова Запорожьесе йоча- влаклан полаш кумылым ончыктымыштлан тауштен да сай паша лектышым, мӧҥгӧ портыл толаш тыланен, мӧҥгеш вучена, тыште те мыланна моткоч кӱлыда, кеч-могай йодыш дене йыҥгыртыза манын.
Фото: тазалыкаралтыш министерстве.
Фото: тазалыкаралтыш министерстве.
