Республикыштына кумылан- влакым фильмым войзымашке ушнаш ӱжыт
Республикыштына кумылан- влакым фильмым войзымашке ушнаш ӱжыт. Шушаш ийын шошым Марий Элыште кинолабораторий кышкарыште кӱчык метражан вигак кок фильмым войзаш тӱҥалыт - «Марий йомак» ден «У ий юзо» фильм- влакым. Кинолабораторий- тиде республикысе да Юл кундем округысо тӱҥалше кинематографист да креатив индустрийын еҥже- влаклан оксам тӱлыде тунемме вер. Тушто тунеммаш кок тӱҥ йыжыҥ гыч шога: икымшыже- Российын кеч- могай кундемже гыч онлайн- тунеммаш, кокымшыжо- Марий Элысе съёмка площадкыште россий кинон шӱдыржӧ- влак дене практике. Проектым режиссёр, калыкле самырык- влак кино премийын да сымыктышыште порылыклан премийлан лауреташе Денис Шаблий вуйлата. Кинолабораторийыш йодмашым кеч- кӧат пуэн кертеш, а целевой аудиторийже- 14 гыч 35 ияш марте уста еҥ- влак. Йодмашым Шаблийфильм.ру сайтыште сценарист, режиссёр-постановщик, оператор- постановщик, йӱк режисср, продюсер, сӱретче-постановщик, монтажёр, композитор, актёр спецальность дене 25-ше декабрь марте пуаш лиеш. Эксперт семын вӱдышӧ кинематографист- влак- Алексей Нужныйым, Андрей Золотарёвым, Иван Помориным, Дмитрий Якуниным, Михаил Богдасаровым, Ирина Темичевам да молымат ӱжмӧ. Кинолабораторийын партнёржо семын Тӱвыра министерстве, Марий университет, Шкетан лӱмеш марий калыкле театр, продюсер рӱдер да молат лийыт. Тунеммылан оксам тӱлыман огыл.
Фото: Д.Шаблийын архивше.
Фото: Д.Шаблийын архивше.
