Йошкар-Олаште Луначарский ден Киров урем ушнымаште светофорым пашаш колташ ямдылат

             Йошкар-Олаште Луначарский ден Киров урем ушнымаште светофорым пашаш колташ ямдылат. Тиде пашам ноябрь мучашлан шукташ шонат. «Город» МУП-ын ончыктымжо почеш светофор секциян лиеш. Тудо транспортымат, йолешке- влакымат виктара. Объектым вераҥдымеке  тергыме шот дене чӱктен ончат. А тӱҥ пашажым тудо магистральын кокымшо ужашыжым- Луначарский урем деч Строитель урем марте ыштен шуктымеке, тӱҥалшаш. Муниципал предприятий ушештара: тений олаште ныл у светофор корнывожлаште пашам ышташ тӱҥалын. Тиде- Анников ден Западный урем, Анников ден Фестивальный, Мир урем- Ураев бульвар- Киров урем, Шернур тракт ден Карл Либкнехт урем корнывожлаште вераҥдалтыныт. Йошкар-Олаште чылаже 129 светофор уло. Тиддеч посна Ленин проспект ден Киров урем корнывожышто тошто олмеш уым ыштыме. Лишыл жапыште Семёновкышто Данилов урем ден Советский урем ушнымаште светофорым чӱктат.
             Фото: Йошкар-Ола мэрий.

Прошлые выпуски