Марий Эл гыч фермер элит клубыш пурен

             Марий Эл гыч фермер элит клубыш пурен. Курык марий район гыч фермер Никита Бабушкин кугу сеҥымашыш шуын. Юл эҥерын пурла сержым таклан огыл республикын пакчаже маныт. Тушечын пакча саска элысе ятыр кундемыш кая. Тысе пакчазе- влак у деч у кӱкшытыш шуыт. «Россельхозцентрын» Марий Элысе пӧлкаже увертара: шукерте огыл Бабушкинын озанлыкыштыже аттестаций да сертификаций шотышто регионысо комиссийын еҥже- влак лийыныт да урлыкашым куштышо озанлык статуслан келшен толмыжым тергеныт. Рашемын: тыште чылажат сай кӱкшытыштӧ, ыштен налме продукцийын аралалтмыжым тергаш цифран технологий кучылталтеш. Тыге комиссийын решенийже почеш Никита Бабушкинын кресаньык-фермер озанлыкше келшен толмылан сертификатым налеш да урлыкашым куштышо- влакын реестрышкышт пурталтеш. Тиде сай кӱкшыт. У статус фермер- влаклан ужалышыш сатум гына огыл, урлыкашымат ужалаш правам пуа.

Прошлые выпуски