Марий йылме дене икымше интернет-радиом Удмуртийыште пашаш колтеныт
Марий йылме дене икымше интернет-радиом Удмуртийыште пашаш колтеныт. Кызыт тудо сутка мучко сем произведений- влакым йоҥгалтара. Тидын нерген проектын авторжо, программист Сергей Селезнёв «Кидшер» сайтлан увертарен. Марий сем культурым вияҥдаш манын ме тичмаш музыкальный интернет- радиом ыштышна. Тиде мер проект. Тудым марий эстрадын ятыр артистше чолган поддерживатла , каласен тудо. Селезнёвын мутшо почеш, интернет-радион эфирыштыже эре йоҥгышо рекламе уке, социал вот семын плейлистым чоҥаш да подпискылан оксам тӱлаш ок кӱл. Кызыт сутка мучко сем йоҥга, а ончыкыжым увер да марий мероприятий- влак нерген увертарымаш- влак йоҥгаш тӱҥалыт. Пайдаланыше- влак интернет-радиом сайтыште але мобил приложенийыште колышт кертыт. Тудым РуСторе приложений кевыт гыч тулен налаш лиеш. Лишыл жапыште ГууглПлей ден АппСторе гычат налаш лиеш.
Фото: "Кидшер".
Фото: "Кидшер".
