Марий йылме дене олимпиадым иктешлыме

                      Школьник- шамычын этнокультурный предмет- влак дене регион кокласе кӱкшытан олимпиадыштым иктешлыме. Марий йылме да марий сылнымут дене олимпиаде заочный формат дене эртен. Тушко республике кӱкшытан олимпиадыште сеҥыше 9-11 класслаште тунемше- влак да марий калыкын тӱшкан илыме кундемла гыч 23 еҥ ушнен. Тений олимпиадыште таҥасаш йодмаш- влак Башкортостан, Татарстан, Удмуртий да Свердлов область гыч пурен. Регион- влак кокласе кӱкшытан олимпиадыште марий йылме дене сеҥышыш 9-ше класс гыч Курык марий район Емешево школ гыч Алина Саматаева, 10-шо класс гыч Татарстанысе Цыпья кыдалаш школ гыч Полина Анеева, 11-ше класс гыч Башкортостанысе Арлан кыдалаш школ гыч Мария Сайпушева лектыныт. Марий литература дене сеҥыше- влак тыге радамлалтыныт: 9-ше классыште Татарстанысе Буймо школ гыч Ангелина Дедюхина, 10-шо классыште Пошкырт велысе У Пураял школ гыч Виктория Баюршина, 11-ше классыште Марий Эл Ӱшнур школ гыч Кристина Чеботарь ончылно улыт.

Прошлые выпуски