Медведево районышто социал кӱлешан объект- влакым чолган чоҥат да олмыктат

Медведево районышто социал кӱлешан объект- влакым чолган чоҥат да олмыктат
           Медведево районышто социал кӱлешан объект- влакым чолган чоҥат да пужен ыштат. Марий Элым вуйлатыше Юрий Зайцев Руэм посёлкышто йоча сымыктыш школыш миен. Тушто кызыт «Тӱвыра» калыкле проект почеш пужен ыштыме паша кая. Тыгак 725 верлан у школым чоҥымо верыште лийын. Сымыктыш школ деке ешарен чоҥымо паша кая. Кызыт кумдыкшо 268 квадрат метрым айла гын, пужен ыштыме деч  вара 765 метр марте кугемеш. Кызыт кече мучко 150 еҥым вашлиеш гын, вара 330 еҥым колтен кертеш. Республикын бюджетше кӱшеш 7 миллион теҥгелан оборудованийым, мебельым налме  лиеш. Ешартыш зданийым икымше декабрь марте эксплуатацийыш налшаш улыт. Руэм посёлкысо у школ ныл блок гыч шогаш туҥалеш, иктыжым нӧлтымӧ, кокымшыжо чоҥалтеш, подвалын перекрытийжым мучашлыме, икымше пачашын пырдыжшым оптат. Марий Элым вуйлатыше Пӱкшерме ялысе клубышкат миен. Тушко 150 наре еҥ коштеш. Йоча да кугыеҥ- влакын усталык коллективышт тӱрлӧ, россий кӱкшытан конкурслаште таҥаса, призан вер- влакым налеш. Ялысе калык Тӱвыра пӧртын состоянийже верч тургыжлана да капитально олмыктымым вуча. Марий Элым вуйлатыше иктешлышыла палемден: ялыште у тӱвыра пӧртым чоҥаш лийме йодышым ончен лекташ кӱлеш.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски