Регби дене фестивальыште Йошкар-Олан командыже той медальым сеҥен налын
Регби дене фестивальыште Йошкар-Олан командыже той медальым сеҥен налын. Пермь олаште 11-12 ияш рвезе- влакын командышт коклаште «Пермь крайысе губернаторын Кубокшо» регби дене Россий кӱкшытан кажне ийын эртарыме фестиваль лийын. Марий Эл гыч кок команде таҥасен. Иктыже кумшо верым сеҥен налын. Чылаже Российысе 8 регион гыч 16 команде модын, - увертара спорт-туризм министерстве. Мемнан деч футбол да регби дене спорт школын да «Красный город» регби клубын командыже да Медведевысе спорт школын «Медведи» командыже лийыныт. Икымше верым Озаҥ гыч регби школын командыже налын. Кокымшо верыш Моско областьысе Лосино-Петровский команде лектын. А кумшо верым Йошкар-Ола гыч «Красный город» налын. Медведи команде латикымше лийын. Тиде- у командылан сай лектыш. «Красный город» команде гыч эн сайын модшылан Иван Камаевым шотлымо, а «Медведи» команде гыч Илья Гагарчев ойыртемалтын.
Фото: Марий Элысе регби федераций.
Фото: Марий Элысе регби федераций.
