Волжский районысо Пызыьгуп ялыште илыше Елена Александровна Иринёва 102 ийым темен

Волжский районысо Пызыьгуп ялыште илыше Елена Александровна Иринёва 102 ийым темен
                 Волжский районысо Пызыьгуп ялыште илыше Елена Александровна Иринёва 102 ийым темен. Елена Александровна Кугу Ачамланде сарын участникшын тулыкеш кодшо пелашыже, тылыште тыршыше, чапле ава, тӱткӧ кова да кугезе кова. Тудо Морко районысо Шеҥше селаште шочын. Тушто индеш классым тунем лектын, Моркысо педагогике училищыште шинчымашым поген, кӱчык курсым тунем пытарен. Тушечын 1941-ше ийыште Пызырьгуп ялыш колтеныт. Ончыч кокымшо классым туныктен, вара тӱҥалтыш школым вуйлатен. Пенсийыш лекмекыже библиотекарьлан пашам ыштен. 1945-ше ийыште марлан лектын. Кум эргым да кум ӱдырым ончен-куштеныт, озанлыкым кученыт, шуко пашам ыштеныт. Тӧрланыдыме сусыржым ончыде, пелашыже нигунам ойгырен шинчен огыл, шуко лудын, кушкыл- влакым, виноградым куштен. Елена Александровнан 13 уныкаже, 18 кугезе уныкаже. Эше кугезе уныкажын ик эргыже уло. Кызыт тудо шешкыже дене ила. Ийготым ончыде озанлыкыште полша, телевизорым ончаш йӧрата, газетым лудеш. Поро кумылан, уна- влакым вашлияш йӧрата, марий муро да куштымаш- влакым пагала. Елена Александровнам шочмо кечыже дене саламленыт, Марий Элым вуйлатыше Юрий Зайцев деч открыткым кучыктеныт.
               Фото: Паша да социал аралтыш министерстве.

Прошлые выпуски