Йошкар-Олаште очистной сооруженийым пужен ыштыме пашам тений мучашлаш шонат
Йошкар-Олаште очистной сооруженийым пужен ыштыме пашам тений мучашлаш шонат. Марий Элым вуйлатыше видео-конференц кыл йӧн дене Российыште регионлам вияҥдыме шотышто правительстве комиссийын заседанийыштыже участвоватлен. Погынымашым Россий Правительстве председательын алмаштышыже Марат Хуснуллин эртарен. Каҥашыме ий йодышыжо «Юл эҥерым тазаҥдымаш» федерал проектым шыҥдарымаш лийын. Мемнан дене кызыт Йошкар-Оласе канализацийын очистной сооруженийжым пужен ыштат, икымше йыжыҥже шукталтеш. Паша графикым ончылтен шукталтеш Объект 95 утла процентлан ямде. Кызыт кумдыкым тӱзландарат да оборудованийым монтироватлат. Очистнойын тичмаш акше ик миллиардат 580 миллион наре теҥгеш шуын. Икымше йыжыҥжым жап деч ончыч тенияк шукташ шонат. Заседанийыште тыгак «Илыме вер» федерал проектым да «Качестван лӱдыкшыдымӧ корно» калыкле проектым шыҥдарыме йодышым каҥашеныт.
Фото: Марий Элым вуйлатышын администрацийжын увер дене пашам ыштыше пӧлкаже.
Фото: Марий Элым вуйлатышын администрацийжын увер дене пашам ыштыше пӧлкаже.
