Моло кундемла гыч толшо- влак чыланат самоизоляцийыште лийшаш улыт

Тачысе кече гыч республикыш моло кундемла гыч толшо- влак чыланат самоизоляцийыште лийшаш улыт. Режимым пудыртымлан штрафым тӱлыктен кертыт. Тидын нерген оперативный штабын заседанийыштыже Александр Евстифеев ойлен. Тудо палемден: йот эл але вес кундем гыч толшо- влак икымше кече гычак тичмаш изоляций режимым шуктышаш улыт. Чер палдырнаш тӱналын гын, вигак врачлан увертарыман. Адакшым вахте йӧн дене пашам ыштыше- влак ятырын пӧртылыныт. Сандене районлаштат инфекций шарлаш тӱналын. Тидан кӧра 14 кечаш самоизоляций пеш кӱлешан мера, - каласен республикым вуйлатыше.

Прошлые выпуски