Кӱлеш деч посна уремыш лекмылан штрафым тӱлыктат
Йошкар-Олаште кӱлеш деч посна тӱшка верлаште коштшо- влаклан штрафым тӱлыкташ тӱҥалыныт. Эртыше кушкыжмын гына, полиций пашаеҥ- влак 9 протоколым возеныт. Мэрийыште палемдыме почеш протоколым возымашым оласе прокуратура кажне кечын терген шога. Утларак ямде улмо режимым пуртымылан кӧра, еҥ- влак уремыш эн кӱлешан годым гына лектын кертыт. Тиде- медицина полышым йодаш, пашаш каяш, воктелсе эмгудыш але кевытыш миен толаш, шӱк-куштырам луктын кудалташ, 100 метр наре коклаш пийым луктын пурташ лиеш. Паркыш, стадионыш, йоча площадкыш але пӱртӱсыш лекташ шонеда гын, тиде административный нарушенийлан шотлалтеш. Тидлан икте гыч 30 тӱжем теҥге марте штрафым тӱлыктен кертыт.
