«Славянские напевы» конкурсышто Марий Элысе артист- влак ойыртемалтыныт
Марий Элысе усталык коллектив- влаклан самоизоляций чарак лийын огыл. Шукерте огыл социал аралтыш тӧнежлан пашаеҥышт «Славянские напевы» славян да руш муро Регион- влак кокласе конкурсын дипломант ден лауреатше лийыныт. Эпидемиологий лӱдыкшылан кӧра, конкурс заочно ныл номинаций дене эртен: эстрада, калык, автор да юмын муро. Регистрацийым эртыше участник- влак жюрилан аклаш видео йӧн дене мурымыштым колтеныт. «Православий муро» номинацийыште дипломым «Витязи» ансамбль налын. Кумшо степенян дипломым Красногорскысо психонврологий интернат гыч Константин Наенко ден Сергей Майоровын дуэтышт сеҥен налын. Тушечынак Елена Иванова «Эстрада муро» номинацийыште кумшо степенян лауреат лийын. А Шоя –Кузнецово интернат-пӧрт гыч «Мы» трио-студий икымше степенян лауреат лийын.
