Социал тӧнеж пашаеҥ- влак самоизоляцийыш каеныт
Республикысе социал тӧнеж- влакын пашаеҥышт ончымо еҥышт дене пырля шке кумылын самоизоляцийыш каеныт. Социал вияҥмаш министерствын ончыктымыж почеш, икмыняр регионысо стацонар учрежденийлаште коронавирус инфекций шарлен. Сандене Социал тӧнежлаште тыршыше- влак Социал обслуживанийын стационар организацийлаштыже илыше еҥ- влакын лӱдыкшыдымылыкышт шотышто тургыжланат. Смене дене пашам ыштыме годым, ончымо еҥыштлан лӱдыкшым луктын кертына манын шонат. Тыге нуно социал вияҥмаш министр деке шке кумылын паша верыште самоизолцийыш каяш йодыныт. Тыгай мерым ышташ куд социал тӧнежын пашаеҥышт шонымашым каласеныт. Тиде- Йошкар-Оласе «Пӱнчер», Шоя-Кузнецово, Савинысе йоча интернат пӧртын, Волжскысо социал-реабилитаций рӱдерын, «Таир» Интернат-пӧртын да «Журавушка» социал- реабилитаций рӱдерын пашаеҥже- влак. Нине организацийлаште кызыт 566 илалше еҥ да инвалид, 141 йоча илат. Тӧнежлаште кочкыш сату, эм, кӱлешан сату, аралалтме средстве да дезинфицироватлыше средсте кум арнялан ситышын уло. Шке кумылын изоляцийыш кайыме деч ончыч 200 пашаеҥ деч коронавируслан тестым налме. Чыла тӧнежыште дезинфекцийым эртарыме. Кажне тӧнежыште пашаеҥ, тушто илыше- влаклан ешышт, лишыл еҥышт дене видеокылым кучаш верым ямдылыме.
