Моркысо йоча книгагудо «Шӧртньӧ шӧрлык» Россий кӱкшытан конкурсышто сеҥышыш лектын

            Моркысо йоча книгагудо «Шӧртньӧ шӧрлык» Россий кӱкшытан конкурсышто сеҥышыш лектын. Модельный книгагудын эн сай фондшылан Российысе конкурсын сеҥышыже- влакым увертарыме. Конкурс фондым чумырымо пашам писемдымашке, комплектоватлыме качествым нӧлталмашке виктаралтын. Тенийсе конкурсыш элысе 100 утла книгагудо ушнен. Конкурс Россий тӱвыра министерствын полшымыжо почеш эртаралтеш. Тений ик сеҥышыже Моркысо йоча книгагудо лийын. Тудо «Йоча книгагудын эн сай модель фондшо» номинацийыште кокымшо верыш лектын. Конкурсыш эссем да видеороликым колтымо. Приз семын тудлан савыктыш-партнёр- влак деч книга коллекций- влакым колтат, а пашаеҥ-шамычлан квалификацийым нӧлтымӧ программе почеш тунеммашым ямдылат.
           Фото: Тӱвыра министерстве.

Прошлые выпуски