Республикыштына шукырак чоҥаш тӱҥалыныт
Республикыштына шукырак чоҥаш тӱҥалыныт. Тений январь-октябрьыште ныл тӱжемат 651 пачерым чоҥымо. Нунын тичмаш кумдыкышт 419 тӱжем квадрат метрым эртен,- увертара Маристат. Кодшо ийысе тыгаяк жап дене таҥастарымаште чоҥымо илыме верын кумдыкшо иктат пеле гана ешаралтын. Тений калык шкаланже тӱжемат 776 пӧртым нӧлтен. Тушто илышаш пӧлем- влакын кумдыкышт 260 тӱжем квадрат метрым эртен. Тидыже кодшо ийысе деч кокытат пеле гана шуырак. Калыкын чоҥымо илем республикыште нӧлтымо тӱшка илыме вер дечын 62 процент лиеш. Сад-пакчам кучаш ойырымо мланде участкылаште 123 илыме пӧртым чоҥымо. Чоҥымо пачерын кокла кумдыкшо, тышке посна илыме пӧрт- влакат пурат, 90 квадрат метр лийын, кодшо ийын тыгаяк жапыште 76 метр лийын. Тиде жапыште шуко пачеран пӧрт- влакым Йошкар-Олаште, Волжскышто, Медведево, Морко да Советский районлаште чоҥымо, а моло муниципал район ден Козьмодемьянскыште лач посна пӧрт- влакым гына нӧлтымӧ.
