Параньга посёлкышто канализацийын очистной сооруженийже- влакым ыштен пытарыме
Параньга посёлкышто канализацийын очистной сооруженийже- влакым эксплуатацийыш налме, нуным пужен ыштыме паша мучашлалтын. Марий Элыште «Экологий» калыкле проект кышкарыште пашаш колтымо- кумшо очистной сооружений. Чоҥымо да ЖКХ министерствыште увертарыме почеш, улшо очистной- влак капитально олмыктымашымат, модернизацийымат вученыт. Ынде йоктарен колтымо быт да озанлыкыште кучылтмо вӱдым норматив показатель марте эрыктат. Чоҥышо- влак технологий павильоным, биологический очистной сооруженийын зданийжым, дизель- генератор станцийым чоҥеныт. Уэмдыме очистной сооружений суткаште 600 кубометр вӱдым эрыктен кертеш. «Юл эҥерым тазаҥдымаш» федерал проект кышкарыште очистнойым Марий Турек районысо ялыште, Козьмодемьянскыште пужен ыштыме. Тыгак Косолоп селаште да Килемар посёлкышто очистной сооруженийым эксплатацийыш колтышаш улыт. А Йошкар-Олаште тиде паша умбакыже шуйна.
Фото: Чоҥымаш да ЖКХ министерстве.
Фото: Чоҥымаш да ЖКХ министерстве.
