Йошкар-Олаште 65 тӱжем утла пачке акциздыме сигаретым поген налме

Йошкар-Олаште 65 тӱжем утла пачке акциздыме сигаретым поген налме
          Йошкар-Олаште 65 тӱжем утла пачке акциздыме сигаретым поген налме. Экономический лӱдыкшыдымылык шотышто виктемын сотрудникше- влак республикышке кугу тӱшка дене ужалашлан маркироватлыдыме тамак пурымо шотышто уверым налмеке, рӱдӧ олаште  тамакам аралыме склад пӧлем- влакым рашемденыт да сигаретан грузовикым кученыт. Полицейский- влак акциздыме 65 тӱжем пачке сигаретым поген налыныт. Тичмаш акше 7 миллионат 500 тӱжем теҥгеш шуын. Тыгак закондымын ужалкалыме пашам виктарыше еҥым кученыт. Тиде Йошкар-Олаште илыше 38 ияш пӧръеҥ улмаш. Оласе полицийын следовательже- влак уголовный пашам почыныт. Рашемдыме еҥ нигуш каяш огыл манын кидпалыжым шынден. Кызыт полиций пашаеҥ- влак криминал бизнесын моло еҥжым рашемдат.
          Фото: Марий Элысе МВД-н пресс-службыжо.

Прошлые выпуски