Республикыштына кугурак тукым чолган ила
Республикыштына кугурак тукым чолган ила. Тазалыкаралтышын тӱҥямбал организацийжын классификацийже дене келшышын илалше- влак радамыш 60 гыч 74 ияш марте еҥ- влак пурат, шоҥгыен радамыште 75 гыч 89 ияш марте еҥ- влак улыт, 90 да кугурак ийготан- влакым кужу ӱмыран еҥ маныт. Россий социал фондын Марий Элысе пӧлкажын ончыктымыжо почеш тений идалык тӱналтышлан учётышто 198 тӱжемат 700 пенсионер шотлалтын. Маристатын ойыркален эскерымыже почеш, кугурак тукым республикыште чолга илыш йӱлам куча. 15 процент илалше- влак театрыш коштыт, 34 процент концертыш мият, 54 процент юмынйӱла тӧнежлаш коштыт, 30 процентше кафе, бар, рестораным йӧратат. 23 процент пенсионер эре путешествийыш коштеш. Нунын кокла гыч шукыракше- 98 процент шочмо элна мучко коштмашым акла. Йодыштмаш дене келшышын 58 процент илалше- влак интернат дене ӱшанлын пайдаланат, 44 процентше социал вотлаште кылым куча, 38 процент уверым лудеш, 35 процент тӱрлӧ полышлан онлайн тӱла.
Фото: источник photogenica, автор andreyshevchuk
Фото: источник photogenica, автор andreyshevchuk
