Оласе кумдыкым тӱзландараш йодмаш- влакым умбакыже налыт
Йошкар-Олаште тӱшка кумдыкым шушаш ийын олмыкташ темлымаш- влакым умбакыже налыт. Шке темлымаш- влакым 18-ше февраль марте колташ лиеш. Мэрийын пресс-службыжын увертарымыж почеш, оласе калык деч ятыр оҥай шонымаш- влак пурат. Мутлан, еҥ-влак пийым луктын коштыкташ посна площадкым, Изи Какшан серыште каныме зоным ышташ, Воскресенский паркыш илышым пурташ, Вашский, Первомай, Волков, Эшкинин, Машиностроитель уремлаште тротуарым уэмдаш темлат. Администрацийыште умылтарыме почеш, йӱклымашке 100 деч шагал огыл йӱкым погышо темлымаш- влак гына лукталтыт. Шке ойым ола администрацийыш возен пуаш але электрон адресыш колташ лиеш.
