Шернур районышто шолдыргышо корным 153 миллион теҥгелан олмыктат

                     Шернур районышто шолдыргышо корным 153 миллион теҥгелан олмыктат. 2022-шо ий марте Шернур-Казанский-Кукнур корным умбакыже олмыктат. Кукнур илемыште тӱҥ села деч Киров область дене чек марте корным олмыктат.  Чылаже 13 меҥге наре кужытым олмыктыман. Тиде корно пошкудо кундем дене ушен шога гынат, чот лунчыргышылан шотлалтеш. Адакшым Кукнур кундем пытартыш ийлаште Марий Йӱштӧ кугызан илыме верышкыже савырнен. Тушко ятыр турист тӱшка толеда. Олмыктымо пашам «Дорожник» предприятий шукта. Тудо пашам 2022-шо ийын 30-шо сентябрь марте ыштен шуктышаш. Тиде корно дене Кукнурыш, Аптулятыш, Вахрушево, Изи ден Кугу Пӱнчерыш логалаш лиеш. Тиде корнын лу меҥге наре кужытшым 2019-ше ийыште «Марий Эл Дорстрой»  олмыктен ыле. Тудо Казанский, Шем починга ден Васли Починга ялла гоч шуйна.

Прошлые выпуски