Куженерыште ече дене таҥасеныт

                  Куженерыште ече дене таҥасымаш эртен. Кодшо рушарнян посёлкышто ече дене таҥасыме телымсе  спорт тургымым почмо. 45 ияш марте ӱдырамаш- влак коклаште кок меҥгыш куржмаште эн сай лектышым Шернур район гыч Светлана Лазарева ончыктен. Тудын землячкыже Лидия Веткина 45 ий деч кугурак ийготан-влак коклаште эн тале лийын. 59 ияш марте пӧръеҥ- влак коклаште вич меҥгыш куржмаште Николай Соколов чемпион лийын. а 60 ий да кугурак- влак коклаште сеҥышыш Эрнест Иванов лектын. Сеҥыше- влакым Куженер муниципал районым вуйлатыше Ольга Фокина саламлен да пӧлекым кучыктен.

Прошлые выпуски