ОНФ Медведево посёлкысо уремым стандартлан келшышым ышташ ӱжын
Республикысе общероссийский калык фронтын чолга еҥже- влак Медведево посёлкын администрацийышкыже Киров ден Сергей Жилин урем-влак вожышто стандартлан келшен толшо йолешке вончемым ышташ йодмаш дене лектыныт. Верысе калык «Витязь» тазалыкым пеҥгыдемдыме комплекс ден чоҥалтше йоча сад коклаште машина коштмаш лӱдыкшыдымылык нормо дене келшен ок тол. Тунемше- влак кумшо номеран школыш але гимназийыш коштыт, ава- влак йочаштым садикыш наҥгаят. Чылаланат чӱчкыдын машина коштмо урем гоч вончаш кӱлеш. Адакшым Сергей Жилин уремыште чоҥымо у пӧрт- влак воктене тротуар ден йолешке вончемым ыштыме огыл, калыклан машина корныш лекташ верештеш. Вашке эше у йоча садым ыштен шуктат. Сандене верысе кучем тиде йодышым шотыш налшаш, - ойлат ОНФ-ын еҥже- влак.
