Таче Йошкар-Олаште туныктышо да воспитатель- влак таҥасымашке ушненыт

Таче Йошкар-Олаште туныктышо да воспитатель- влак таҥасымашке ушненыт. Профессионал мастарлыкым ончыктымо «Талукын туныктышыжо-2020» да «Талукын воспитательже- 2020» оласе конкурс- влак тӱҥалыныт. Тушко рӱдӧ ола гыч  9 туныктышо да 4 воспитатель ушнен. Конкурс 21-ше февраль марте шуйна. Туныктышо- влак «Методик семинарыште», «Урокышто», «Мастер-классыште», «Тӱшка лекцийыште» шкеныштым тергат гын, воспитатель- влак «Усталык презентацийыште», «Йоча- влак дене педагогик мероприятийыште» «Мастер- классыште», «Туныктымо проектыште» моштымашыштым ончыктат. Конкурсым мучашлымаш да сеҥыше- влакым саламлымаш 28-ше февральыште лиеш. Олаште сеҥыше- влак вара республикысе конкурсыш каят.

Прошлые выпуски