Марий Эл гоч эртыше федерал трассе- влак лӱдыкшыдымырак да волгыдырак лийыныт

Марий Эл гоч эртыше федерал трассе- влак лӱдыкшыдымырак да волгыдырак лийыныт. Волгалтарыме трассе- влак Медведево, Оршанке да Звенигово районлаште ешаралтыныт. Теве «Вятка» корнын кок ужашыштыже ныл меҥгат 300 метр кужытышто волгалтарыме. Пелеҥер ял, Ильинка посёлко воктенсе машина чарныме вер, объездной корнышто икымняр сад участке воктене волгыдырак лийын. Йошкар-Ола – Зеленодольск корнын Медведево да Звенигово районласе ужашыштыже вич меҥге кужытым волгалтарыме. Тиддеч посна лӱдыкшыдымылыкым ышташ манын, «Вятка» корнышто, Волжский, Оршанке, Медведево районышто да Куяр посёлкым йыр эртен кайыме корнышто кок меҥге кужытышто барьер саварым ыштыме. Кугорнын Куяр воктенысе ужашыштыже светофорым  вераҥдыме.

Прошлые выпуски