Медведево районысо ветеран- влаклан Сеҥымаш медальым кучыктымо

Александр Евстифеев Медведево районысо ветеран- влаклан Сеҥымашлан 75 ий темме лӱмеш медаль- влакым кучыктен. Республикым вуйлатышын кидше гыч наградым 8 еҥ налын. Нунын коклаште Кугу сарын участникше, концлагерьлан ийготыш шудымо узникышт, блокадан Ленинградыште илыше да тылыште тыршыше- влак улыт. Александр Евстифеев палемден: тиде- районышто кучыктымо икымше лӱмгече медаль- влак, шарнымашан награде улыт. Республикыш чылаже 5 тӱжем медаль толын. Нуным чылажымат Сеҥымашым лишемдыше- влаклан кучыктымо лиеш. Президент тенийсе ийым Шарнымаш да Чап идалык семын увертарен. Кызыт республикыште оборонно- массовый да военно- патриот паша месячник кая. Районысо самырык тукым тушко чолган ушна, тӱрлӧ мероприятий- влак эртаралтыт. Кугу сар жапыште Медведево район гыч 11 тӱжем еҥ фронтыш каен. Тушечын 4 тӱжемже мӧнгӧ пӧртылын огыл. Сеҥымашым лишемдыше 8 еҥлан Россий президентын Указше дене учредитлыме «Кугу Ачамланде сарыште сеҥымылан 75 ий» лӱмгече медальым кучыктымо.

Прошлые выпуски