Оршанке район шкенжын 100 ияш лӱмгечыжым пайремла

Оршанке район шкенжын 100 ияш лӱмгечыжым пайремла
             Оршанке район шкенжын 100 ияш лӱмгечыжым пайремла. Лӱмгече лӱмеш «Шӱмын йӧратыме Оршанке мланде» пайрем 24-ше августышто эрта. Тидын шотышто Республикысе тӱвыра министерствыште пайремлан ямдылалтме йодышым каҥашыме. Район администрацийым вуйлатыше Александр Плотников увертарен: лӱмгече кышкарыште муниципалитетын икымняр автомобиль корныжым да райрӱдын уремлажым олмыктымо. Кызыт Ӧрша эҥерыште гироузелым ачалат, лӱмгечылан книгам ямдылат. Совещанийыште тидымат палемдыме: «Тӱвыра» калыкле проект почеш вич ял тӱвыра пӧртым уэмдыме, у кинозалым ыштыме, книгагудым модернизироватлыме. Район муниципал образований- влак коклаште калыкле проектым шыҥдарыме дене ончылно кая. Спорт да туризм министр Лидия Батюкова ешарен: районын турист куатшат кугу. 2023-шо ийыште тушко ныл тӱжемат 200 утла турист миен. Министерстве экскурсовод да турист маршрут- влакым аккретидоватлаш, турист- влаклан каныме пӧрлам чоҥаш инвестор- влакым кумылаҥдаш полшаш ямде
         Фото: Тӱвыра министерстве.

Прошлые выпуски