Куженер посёлкышто 11 тулык йоча да тошто пӧртла гыч 20 еҥ у пачерлашке куснат

Куженер посёлкышто 11  тулык йоча да тошто пӧртла гыч 20 еҥ у пачерлашке куснат
             Куженер посёлкышто 11  тулык йоча да тошто пӧртла гыч 20 еҥ у пачерлашке куснат. Паша дене Куженер районыш мийымыже годым Марий Элым вуйлатыше Юрий Зайцев у кум пачашан пӧртыштӧ пачерла деч сравочым кучыктен. У илемым аварийный пӧртлаште илыше 12 еш налын. Тиддеч посна 11 пачерым тулык йоча- влаклан налме. Пачер- влак илаш пураш ямде улыт, кудывечыште йоча площадкым, парковкым ыштыме. Марий Элым вуйлатыше Юрий Зайцев чылаштым пӧртсий дене саламлен, пиал ден улан илышым тыланен да пачер- влакым ончен лектын. Тений программе почеш 28 тӱжем квадрат метр аварийный илыме верым пытарыме, кок тӱжемат 380 еҥым кусарыме. А программын ыштыме пӱтынь жапыште 87 тӱжем квадрат метр тошто илемым пытарыме да вич тӱжемат 857 еҥым кусарыме. Идалык мучаш марте эше 442 кок еҥым кусараш шуко пачеран 7 пӧртым эксплуатацийыш налаш палемдыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски