Памар селаште Сеҥымаш паркым уэмдат

Памар селаште Сеҥымаш паркым уэмдат
Кугу Сеҥымашын лӱмгечыж вашеш Волжский районысо Памар селаште илыше чолга еҥ- влак Мир уремыште верланыше Ошкуп ер воктене сылне верыште палыме кумдыкым тӱзаташ шонымашым темленыт. Лач тушто 70-шо ийлаште ял калык тӱрлӧ пушеҥгым шынден, Сеҥымаш лӱмеш скверым ыштен. Тиде вер калыкын йӧратыме каныме  верышкыже савырнен. Но жап эртыме семын, сер воктенысе алан озадымыш савырнен, пушеҥге да кушкыл кушкын шогалын. Калыкын тыршымыжлан кӧра, паркым уэмдыме проектым «Оласе йӧнан илыме кумдыкым ыштымаш» приоритет программыш пуртымо. Пашам тылзе ончыч тӱналме да тудо мучашыш лишемеш. Чыла кумдыкым кушкыл деч эрыктыме, мландым тӧрлымӧ, брусчаткым шарыме да бордюрым вераҥдыме. Мемориал ансамбльым ышташ гына кодын.

Прошлые выпуски