Параньга районышто кокияш шыдаҥын икмыняр ужаш озымжо телын койышыжым чытен огыл
Параньга районышто кокияш шыдаҥын икмыняр ужаш озымжо телын койышыжым чытен огыл. Озымышто сакырын мыняр улмыжым шымлымаш тудын телым чытымыжым рашемдаш полша. Тудым 25-30 кечым коден тергат. Тидыже озымын телым чытен кертмыжым рашемдаш да уэш ӱдаш кӱлеш але укем палаш полша. «Марийская» агрохимслужбын районысо специалистше- влак увертарат: январь мучашыште кок тӱжемат 521 гектар кумдык гыч озымым тергаш налме. Тиде- тӱжемат 96 гектар кокияш уржа, тӱжемат 180 гектар кокияш шыдаҥ, 185 гектар кокияш шож, 60 гектар кокияш уржа ден вика. Нунын 91 процентше сай семын аклалтеш, 4,9 процентше- удовлетворительный семын. Параньга районысо 100 гектар кокияш шыдаҥ начар улеш. Озымым черетан тергымаш февраль мучашлан палемдалтын,- увертара ял озанлык министерстве.
Фото: Ял озанлык министерстве.
Фото: Ял озанлык министерстве.
