Марий Элыш Запорожье гыч официальный делегаций толын

Марий Элыш Запорожье гыч официальный делегаций толын
                Марий Элыш Запорожье гыч официальный делегаций толын. Куйбышев муниципал округын делегацийже паша дене Йошкар-Олаште улеш. Теҥгече ола администарцийыште делегацийын еҥже- влак ола округым вуйлатыше Лев Покровский, олан мэржын сомылжым шуктышо Антон Трудинов, Ола Погынымашын депутатше- влак дене пашаче вашлиймашым эртареныт. Вашиймашыште Марий Элым вуйлатышын советникше Евгений кузьмин, кӧргӧ политике министр Антон Мирбадалев лийыныт. Вашлиймаш экскурсий дене мучашлалтын. Тушто Лев Покровский олан символжо- влак нерген ойлен: герб, гимн, олам вияҥдымашке кугу надырым пыштыше еҥ- влак нерген, ончычсо созыв ола погынымаш- влакын депутатыштын пашашт нерген каласкален. Запорожье гыч уна- влак кум кечылан толыныт. Тиде жапыште нуно республикысе муниципалитет- влакын пашашт дене палыме лийыт. Поян программыште тыгак ойыртемалтше сылне верлашке мияш палемдыме.
           Фото: Йошкар-Ола депутат- влак погынымаш.

Прошлые выпуски