«Пасун кечыже» агропромышленный ончер Медведево районысо ипподромышто лиеш

«Пасун кечыже» агропромышленный ончер Медведево районысо ипподромышто лиеш
          Республикыштына «Пасун кечыже» агропромышленный ончер 24-ше июльын Медведево районысо ипподромышто лиеш да агропромышленный комплексын сеҥымашыжым виш ончыктымо формат дене эрта да верысе калык ден уна- влаклан деловой программе ден пайремымат темла.
           Экспозиций зонышто кызытсе жаплан келшыше ял озанлык техникын образецше, ончыкылыкан урлык да гибрид- влак, тӱрлӧ ӱяҥдыш да кушкылым аралыше средстве ончыкталтеш.
           Деловой программыште йыргешке ӱстел йыр специалист- влак да озанлыклам вуйлатыше-шамыч АПК-м вияҥдыме стратегий корно- влакым, цифровизаций йодышым, мелиорацийым, инновацийым шыҥдарыме паша- влакым каҥашат. Уна- влаклан поян тӱвыра программе ямдылалтеш, мастар-класс ден концерт- влак лийыт, имне дене таҥасымаш эрта, ял озанлык техникын парадшым ончаш, верысе производитель- влакым продукцийыштым тамлен ончаш лиеш.
           Выставкым республикысе ял озанлык министерстве, Медведево район администраций, фермер- влакым поддеражтлыме аланыште компетенций рӱдер, агробизнес кадрым уэш туныктымо марий институт ден кресаньык да фермер озанлык- влакын ассоциацийышт ямдылат.
                Фото vk.com/mncx_rme

Прошлые выпуски