Пел ийыште Марий Элын калыкше тӱжемат 639 еҥлан шагалемын
Пел ийыште Марий Элын калыкше тӱжемат 639 еҥлан шагалемын. Маристат калыкын куснылмыжо шотышто иктешлымашым ыштен. Тений январь-июньышто республикыштына кок тӱжемат 897 ньога шочын. Тушечын тӱжемат 185-ше- Йошкар-Олаште. Район- влак коклаште ончылно Медведево ден Звенигово район каят- 390 да 144 аза. Юрино районышто улыжат 29 йоча йочын: Юриныште-18, яллаште -11. Пел ий жапыште ныл тӱжемат 536 еҥ колен. Тушечын тӱжемат 599-ыже - Йошкар-Олаште. Илыш ден чеверласыше- влак Юрино, Курык марий да Звенигово районлаште шуко лийыныт. Калыкын пӱртӱс закон почеш шагалеммыже тӱжемат 639 еҥыш шуын. Кодшо ийысе тыгаяк жап дене таҥастарымаште ешым чумырымаш 8 утла процентлан шагалемын, ойырлымаш 5 процентлан ешаралтын. Пел ийыште тӱжемат 131 ешым регистрироватлыме, тӱжемат 220 еш шаланен. Ешым эн шагал Килемар районышто чумырымо- 12, ойырлышо- влак эн шагал Юриныште лийыныт- 10 еш.
