«Мӱй Спас» ял озанлык ярминга лиеш
«Мӱй Спас» ял озанлык ярминга лиеш. 12-шо гыч 14-ше август марте Чарла кремльыште Мӱй спаслан пӧлеклалтше черетан ярминга эрташ тӱҥалеш. Тушко мӱйым да мӱкш сатум ыштен налше, ремесленник, кидпаша мастар, сувенирым ямдылыше- влак толыт. Тиддеч посна оласе калык саска ден емыжым, чодыра сийым налын кертеш. 14-ше августышто мӱйлан шнуй шӱлышым пуртат. Ярминга 9 гыч 15 шагат марте пашам ышта.
