Кудывечым кузе олмыктымо программыш пурташ лиеш

               Оласе калыклан шке кудывечым олмыктымо программыш кузе пурташ лийме нерген каласкаленыт. Кудывечылам олмыктымо паша пытартыш кок арняште калык коклаште эн кумдан каҥашыме теме. Тидын нерген Республикысе ЦУР-ын данныйже ойла. Икымше йыжыҥыштыже 75 миллион теҥгелан икмыняр кудывече олмыкталтеш. Кызыт калык деч темлымаш  погалтеш да кудывече- влакым аклымаш кая. Октябрьыште кудывечылам олмыктымо программе пеҥгыдемдалтеш. Кудывечым олмыктымо программыш пурташлан корнын чот шолдыргымыжым, социал кӱлешан тӧнеж- влакын улмыштым, илыше калыкын чотшым, кудывечым олмыктымо йодыш дене обращенийын чотшым шотыш налыт. Программын участникше лияшлан Йошкар-Ола мэрийыш йодмашым возыман да кудывечын могайрак улмыжым радамлен умылтарыман.

Прошлые выпуски