Пётр Апакаевым пытартыш корныш ужатышт

Тиде ойган увер.
Марий радион поро йолташыже, лӱмлӧ профессор, педагогике науко доктор, шуко деч шуко книган авторжо Пётр Андреевич Апакаев шуматкечын илыш дене чеверласен. Теҥгече тудым пытартыш корныш ужатышт. Ила ыле гын, тений тудлан 2-шо августышто 84 ий темеш ыле. Пошкырт вел, Калтаса кундем, Тошто Оръямучаш ялын чолга, тале, ушан-шотан, пеш проста чонан шочшыжын илыш гыч кайымыжлан чот ойганымашнам каласена. Пётр Андреевич Апакаев мыланна курымешлан сай шарнымашеш гына кодеш.

Прошлые выпуски