Александр Евстифеев: самоизоляций режимым эскерыме шотышто сӱрет саеммаш ок палдырне, калыкын ответственностьшо ок сите
Оперативный штабын заседанийыштыже Александр Евстифеев эше ик документым шуктымым ушештарен. Тиде- административный правонарушений шотышто протоколым возаш праван кучем орган да должностной еҥ- влакын перечньыштым пеҥгыдемдыме нерген Указ. Тидын годым республикым вуйлатыше палемден: Йошкар-Олаштат, районлаштат самоизоляций режимым эскерыме шотышто сӱрет саеммаш ок палдырне, калыкын ответственностьшо ок сите. Пандемий шарла, сандене кучем чолганрак пашам ыштышаш. Тидын шотышто Роспортебнадзор виктем чолган пашам ышта, анализым шукырак да шукырак эртара. Виктемым вуйлатыше Светлана Булатова палемден: черланыше- влакын чотышт дене 100 тӱжем еҥлан шотлымаште республике Российысе 10 регион коклашке пура. Кызыт медицина эскерымаште 737 еҥ шотлалтеш. Нунын коклаште йот элла гыч толшо- влак кодын огытыл.
