Тазалыкаралтыш министерствылан ешарен 8 миллион теҥгем ойырымо
Марий Эл Правительствын резерв фондшо гыч Тазалыкаралтыш министерствылан эше 8 миллион теҥгем ойырымо. Тиде окса врач да моло медицина пашаеҥ-влаклан аралыше средствым налаш колталтеш. Тиде- респиратор, аралыше костюм да молат. Тидын нерген Правительстве Пӧртыштӧ Оперативный штабын заседанийыштыде Марий Элым вуйлатыше Александр Евстифеев увертарен. Республикына 100 тӱжем еҥлан шотлымаште анализым налме кугыт дене Российыште нылымше верыште улеш. Но тидын годым чер шукемме чот дене шым субъект коклашке пура. Кызытеш чер лушкеммаш эше уке. Сандене койко- верым ямдылена, медицина оборудований да кислород дене пойдарена.- манын республикым вуйлатыше. Тазалыкаралтыш министр Марина Панькован мутшо почеш, кызытеш 470 койкым ямдылыме. Волжскышто- 70, Марий Турекыште- 50, Звениговышто- 40, Козьмодемьянскыште- 40 койко. Тыгак ешарен полышым пуаш, Медведево эмлыме верым ямдылыме. Но сай могырат уло. 27 еҥ эмлалт, тӧрланен лектын. Но йоча- влак черланаш тӱналыныт. Республикысе йоча эмлыме верыште 6 еҥ эмлалтеш, кокытшын коронавирус черым пеҥгыдемдыме. Пневмоний дене черланыше- влак ешаралтыт. Чыла эм ситышын уло. Кок пациент ИВЛ дене пайдалана, молыжо кислородым але эмым налеш.
