Тений июнь гыч короновирус деч вакциным доброволец- влак кӱшеш тергаш шонат

Тений июнь гыч Роспотребнадзорын «Вектор» вирусологий да биотехнологий кугыжаныш шанче рӱдерже короновирус деч вакциным доброволец- влак кӱшеш тергаш тӱналеш. Тидын нерген коронавирусым терген шогымо шотышто увер рӱдер увертара. «Вектор» рӱдерын шанче пашаеҥже Наталья Думченкон мутшо почеш, вакцинын прототипше- влакым ямдылыме. Кызыт нуным лабораторийысе янлык- влак дене тергат. Иммунитетым ыштен лукшо, лӱдыкшыдымӧ да ончыкылыкан прототип- влакым ойырен налыт. Ончылгоч шонымо почеш, июньышто шке кумылын ушнышо 60-70 еҥ дене тергаш тӱналыт. Тиде таза улшо 18 гыч 60 ияш марте еҥ- влак лийшаш улыт. Тушко военный, петырымаште улшо, мӱшкыран да азам пукшышо ӱдырамаш, хронический черан еҥ- влак огыт пурталт. Шымлымаш Российысе тазалыкаралтыш министерствын да тудын пеленысе Этический комитетын кӱштымышт деч вара гына тӱналеш. Шанчыеҥ- влакын шотлымышт почеш вакциным тенийсе нылымше кварталыште кучылташ тӱҥалаш лиеш.

Прошлые выпуски