Республикыште пожар ваштареш шогымо посна режимым пуртат

Марий Эл Правительствын пунчалже дене келшышын республикыште пожар ваштареш шогымо посна режимым пуртат. Тидын нерген граждан оборона да калыкым аралыме комитет увертара. Режим 27-ше апрельыште тӱҥалшаш да 27-ше май марте шуйна. Тиде жапыште калыклан чодыраш кошташ, машина дене мияш чаралтеш. Тыгак тулотым ылыжташ, шӱк-куштырам, кукшо шудым йӱлалташ, тулотышто, мангал дене кочкаш ямдылаш ок лий. Режим жапыште пожар лӱдыкшыдымлык йодмашым пудыртымылан административный  штрафым тӱлыктат. Тыглай еҥ- влак 2 гыч 4 тӱжем теҥге марте луктын пыштат гын, юридический лица- влак 200 гыч 400 тӱжем теҥге марте тӱлышаш улыт.

Прошлые выпуски