«Трудовые резервы» «Шарнымаш ошкыл» патриот акцийым тӱҥалын

«Трудовые резервы» «Шарнымаш ошкыл» Россий кӱкшытан патриот акцийым тӱҥалын. Кугу Сеҥымашлан 75 ий темме вашеш «Трудовые резервы» Российысе физкультура да спорт ушем «Шарнымаш ошкыл» акцийым увертарен. Тудым ямдылыше- влак онлайн йӧн дене Берлин марте шуаш темлат. Акций 16-шо апрельыште тӱналын да 9-ше май марте шуйна. Моско гыч Берлин марте тӱжемат 814 меҥгым шотлат. Лач тиде кужытым 24 кечыште эрташ темлат. Чыла кумылан- влак шагомер полшымо дене эртыме кужытыштым висен кертыт. А организатор- влак уло элын лектышыжым иктешлаш тӱналыт. Кеч-могай ийготан, кеч-кушто илыше- влак йолын ошкылын, куржын, велосипед, самокат але фитнес-тренажёр дене коштын кертыт. Самоизоляцийыште але карантиныште улшо- влакланат тушко ушнаш темлат. Кажне метрже финалышке лишемда. Икымше суткаште участник- влак 136 меҥгым эртеныт. Акцийыш 21 регион ушнен. Чолгалыкым Моско, Мурманск область, Пермь да Хабаров край ончыктат. Эн самырык участникше 14 ияш, кугуракше- 55 ияш.

Прошлые выпуски