Йошкар-Олаште Киров ден Строитель уремлам ушышо магистральым чоҥаш тӱҥалме

Йошкар-Олаште «Лӱдыкшыдымӧ да сай качестван автомобиль корно- влак» калыкле проект кышкарыште Киров ден Строитель уремлам ушен шогышо магистральым чоҥымо лиеш. Чоҥымо пашам тӱналме. Паша ныл ий шуйнаш тӱналеш. Теҥгече чоҥымо площадкыште Марий Элым вуйлатыше Александр Евстифеев лийын. «Марийскавтодорын» Генеральный директоржо Евгений Козыревын мутшо почеш, корнын кужытшо ныл меҥге лиеш. Пашан икымше ужашыштыже ик меҥгат 200 метр кужытан полотном ыштат. Вара Изи Какшан гоч кӱвыарым чоҥышаш улыт. Тидын годымак корно вочшаш верыште электролинийым да газ пучым вес верыш кусарат. Кызыт Ленин проспект деч у кӱвар марте корно негызым оптат. Тымарте 163 тӱжем тонн ошмам шупшыктымо. Проектым вич ий ончычак ыштыме. Сандене тушко тӧрлымаш- влакым пуртат. Республикым вуйлатыше 2020-2021-ше ийлан паша планым ямдылаш кӱштен. Тушто чыла шуктышаш пашам ончыктыман. Чоҥымашын тичмаш акше ныл миллиардат 600 миллион теҥге. Александр Евстифеев палемден: тиде проект дене у проспект лийшаш. Тудо Сомбатхей ден Ширяйково микрорайонлам ушаш тӱҥалеш. У корно  ола рӱдыштӧ машинам шагалемдаш полшымо деч посна кок микрорайоным, поснак Ширяйковым, вияҥдаш йӧным ыштышаш. Тушто утларак илыме верым да социал объект- влакым чоҥаш лиеш.

Прошлые выпуски