Икымше тӱшка респиратор- влакым кондымо
Марий Элыш икымше тӱшка респиратор- влакым кондымо. Кок тӱжемат пеле респираторым шуко гана кучылташ лиеш. Тудым налаш оксам республикым вуйлатыше Правительствын резерв фондшо гыч ойырен. Ленинград областьысе «Респираторный комплекс» ушем чылаже ик миллиоант пеле теҥгелан 13 тӱжем респираторым кондышаш. Тудын тӱҥ ужашыжым коронавирус дене кучедалаш инфекций пӧлка- влакым почмо медицина организацийлашке колтымо.
