Почто пашаеҥ- влак шке профессионал пайремыштым палемдышт

Почто пашаеҥ- влак шке профессионал пайремыштым палемдышт
               Теҥгече почто пашаеҥ- влак шке профессионал пайремыштым палемдышт. Республикым вуйлатыше Юрий Зайцев почто пашаеҥ- влакым Почтын кечыже дене саламлен да ойыртемалтше специалист- влаклан Чап Грамот ден тауштымашан серыш- влакым кучыктен. Торжественный мероприятий Республикысе курчак театрыште эртен. Марий Элыште 257 почто пӧлка пашам ышта. Тушто тӱжемат 704 специалист тырша. Кодшо ийын Россий почто филиалын пашаеҥже- влак 8 миллионат 800 серыш ден бандерольым, 400 тӱжем посылке ден изи пакетлам, вич миллионат 900 экземпляр газет ден журналлам кучыктеныт. Российын Президентше Владимир Путинын кӱштымыжӧ почеш почто служба уэмеш. Марий Элыште 40 утла пӧлкам тӧрлымӧ, калыклан у сервис- влак пурталтыт. Комапний почто гына огыл, моло кугыжаныш да социал полышымат пуа.- кадласен Марий Элым вуйлатыше Юрий Зайцев. Тудо Россий почтын сай пашажым палемден да наградым кучыктен. Марий Эл Правительствын Почётан грамотыжым Шернур почтамтын Йӱледӱр ялысе почто пӧлкан вуйлатышыже Маргарита Никоновалан кучыктымо. Республикым вуйлатышын тауштымашыжым ныл еҥлан увертарыме.
             Фото: Марий Элым вуйлатышын  администрацийжын увер дене пашам ыштыше пӧлкаже.

Прошлые выпуски